NADHOM ILMU FIQIH SUNDA

MUQODDIMAH

Ari puji nu sampurna eta tetep                                                                  Kagungan allah nu kapersipat lengkep

Rohmat allah mugi tetep sareng salam                                                   Di Jenung nabi Muhammad mustika alam

Mugi ieu nadhom sing manfaat gede                                                      Kanu ngaos ka lalaki ka awe-we

PASAL MERTELAKEUN CAI

Sakur cai bijil ti bumi ti langit                                                                        Menang di pake susuci najan pait

Kaya ibun ci laut sumur wahangan                                                            Hujan buah ci burial jeng ci hujan

Anging eta cai anu geus di pake                                                                                 Micen najis hadats leutik hadats geode

Maka eta suci tapi teu nyicikeun                                                               Mun teu robah ku najiss anu di piceun

Deui cai robah sabab ka campuran                                                           Barang suci kaya cai di entehan

Heunteu jadi naon-naon cai robah                                                           Sabab cicing atawa kayu dikulah

Ari cai saeutik mun kanajisan                                                                      Jadi najis najan teu robah teu naon

Sejen lamun cai gede kanajisan                                                                                 Mun teu robah eta teu jadi halangan

Ari cai kapanasan mata poe                                                                         Eta makruh kana salira teu sae

Makruh soteh mun caina masih panas                                                    Dina wadah nu dipalu liyan emas

Deui makruh cai kacida panas na                                                               Cara makruh cai kacida tiis na

Ngaran cai saeutik nu hanteu aya                                                             Limaratus punjul lima kati jawa

Lamun cukup berat tiluratus lima                                                              Di sebutna cai gede ku ulama

Lamun wadah pasagi saasta lewih                                                            Saparapat eta cai gede deuih

PASAL MERTELAKEUN NAJIS

Sakur aen bijil tina qubul dhubur                                                               Eta najis liyan mani nu di tutur

Anjing babi arak bangke getih nanah                                                       Bulu bangke tulang cekerna jeung Utah

Anging bangke jalma simet lauk cai                                                          Eta tilu rupa bangke tetep suci

Ari rehak ciduh leeho Korong cileh                                                           Eta lain najis tapi barang geuleh

Anggahota pisah tina sasatoan                                                                   Anu hirup hukum bangke sato hewan

Anging bulu sato hewan anu di dahar                                                     Jeng ciduhna kesang kasturi teu samar

PASAL NGABERESIHKEUN BARANG ANU NAJIS

Suci lamun jadi cuka eta arak                                                                      Kusorangan najan di poe ngagolak

Ari ngumbah najis anjing sareng babi                                                      Tujuh kali make taneh nu sakali

Ari najis salian anjing jeung babi                                                                Lamun leungit aen cukup ku sakali

Tapi utamana ngumbah tilu kali                                                                                 Najan najis leungit ku ngumbah mimiti

Ari kulit bangke lian anjing babi                                                                  Ku disamak eta kulit jadi suci

Ari nanah cenang bisul getih rahet                                                           Di hampura mun saetik dina sholat

Deui dihampura najis leutik pisan                                                             Teu katingali ku tingali perteungahan

Ari cikiih budak lalaki anu acan                                                                    Umur dua taun ti ngajuru

Sareng acan barang dahar liyan susu                                                       Cukup di kepretan cai kana tempat itu

Ari najis hukum cukup ku sakali                                                                                 Ngaliwatkeun cai kana tempat tadi

PASAL MERTELAKEUN PARDHU WUDHU

Pardhu wudhu aya genep sadayana                                                        Hiji niat kadua ngumbah beungeut na

Tilu ngumbah leungueun dua jeung sikuna                                          Opat ngusap saeutik tina sirahna

Lima ngumbah suku dau nepi kana                                                          Mumuncangan tartib rukun ka genepna

PASAL MERTELAKEUN NUNGABATALKEUN KANA WUDHU

Opat rupa ngabatalkeun kana wudhu                                                     Coba bilang kumaneh ulah kaliru

Hiji nukalur ti salah sahiji                                                                               Qubul duburnaa naon bae liyan mani

Kaduana leungit akal sabab edan                                                              Sabab sare sakalor jeung ayan

Anging jelema sare nu rapet biritna                                                         Kana tempat diyuk teu batal wudhuna

Katiluna paantel kulit awewe                                                                      Jeng lalaki dua nana pada gede

Batal soteh antel jeung lian mahramna                                                  Serta teu make hahalang antarana

Ka opatna nyabak kubul sareng dubur                                                    Bangsa jalma ku dampal leungeun di lagar

PASAL MEURTELAKEUN PARDHU ADUS

Pardhu adus aya dua masing awas                                                           Hiji niat dina hate micen hadats

Dua ngaratakeun cai kana badan                                                               Anu dhohir sareng buuk walatraan

PASAL ANU NGAWAJIBKEUN KANA ADUS

Arit sarat wudhu sareng sarat mandi                                                       Eta aya sapuluh teukirang deui

Hiji islam dua tamyij tilu suci                                                                        Tina nifas sareng hed mungguh di istri

Opat ulah aya barang anu nyegah                                                             Datang cai kana kulit kaya geutih

Lima ulah aya barang nu ngarobah                                                           Kana cai dina tempat nu dikumbah

Genep nyaho kana kapardhuan nana                                                     Tujuh ulah nekadkeun sunat ngumbahna

Kadalapan caina anu nyucikeun                                                                                 Sareng anu dua deui di tanngtukeun

Di jalma nu langgeus hadats eta tangtu                                                  Hiji tuluy-tuluy dua manjing waktu

PASAL MEURTELAKUN PAHARAMAN KA JALMA BOGA HADAST LEUTIK HADATS GEUDE

Saha jalma batal wudhu maka haram                                                      Opat rupa hiji sholat coba paham

Dua towap katiluna nyabak quran                                                            Najan tulisan saayat dina papan

Opat mawa quran anging diwenangan                                                   Dina barang ulah niyat mawa quran

Haram kajalma nu junub genep rupa                                                      Aria nu opat tadi jangan lupa

Lima cicing di mesjid anging di pipir                                                          Genep maca quran anging niat djikir

Ari paharaman sabab hed jeung nifas                                                     Sapuluh genep nu tadi jangan was-was

Tujuh puasa jeng tolak kadalapan                                                             Ari ngaliwat ka mesjid kasalapan

Haram liwat lamun geutih sieun ngecret                                                Ukur makruh lamun aman urat aret

Sapuluh di alap suka antarana                                                                    Tuur bujal najan teu aya syahwatna

PASAL MEURTELAKEUN HED JENUNG NIFAS

Ari qodar hed pang saeutikna                                                                     Qodar sapoe sapetingkaluarna

Ari gholibna genep atawa tujuh                                                                                 Najan kaluarna geutih henteu puguh

Lima belas dinten jaman pang seueurna                                                                Najan sajam unggal dinten kaluarna

Suci antara dua hed saeutikna                                                                    Lima belas dinten sinareng wengina

Ari dua puluh tilu atanapi                                                                              Dua puluh opat gholibna di istri

Ari seueurna suci teu di anggeran                                                             Sok aya istri saumur teu kotoran

Lamun datang hadats sanggeus manjing waktu                                 Anu mahi keur solat nu boga waktu

Halna tacan sholat dina waktu eta                                                            Maka wajib qodho sholat nu harita

Lamun leungit mane maka wajib mandi                                                                 Najan tacan neupi kana gholib suci

Lamun waktu aya keneh terus sholat                                                      Mun teu aya teurus qodho kade lepat

Najan eta waktu sholat ngan sa qodar                                                    Jaman takbirotul ihrom teu di tilar

Sarta wajib qodho anu samemehna                                                        Sholat waktu anu meunang di jama’na

Kaya suci waktu isa sareng asar                                                                  Maka wajib qodho maghrib sareng dhuhur

Ari salian ti eta kaya suci                                                                                Waktu subuh qodho subuh wae hiji

Ari saeutikna qodar jaman nipas                                                               Eta sakecretan geutih hanteu turas        

Ari gholib nifas opat puluh dinten                                                             Pang seueurna zaman genep puluh dinten

PASAL MEURTELAKEUN SARAT WAJIB SHOLAT

Sarat wajib sholat genep masing apal                                                      Hiji islam dua balig tilu akal

Opat boga rungu ka lima ningali                                                                 Genep ka datangan panga hak ti nabi

PASAL MEURTELAKEUN SARAT SAH SOLAT

Sarat sahna sholat dalapan perkara                                                          Hiji mudu suci tina hadats dua

Dua suci tina najis dina badan                                                                     Dina tempat sareng dina papakean

Tilu nutup aurat opat madep kiblat                                                          Lima mudu geus manjing waktuna sholat

Genep nyaho kana kapardhuan nana                                                     Tujuh ulah nekadkeun sunat pardhuna

Kadalapan ngajauhan sakabehna                                                              Nungabatalkeun kana sholat manehna

PASAL MEURTELAKEUN HADATS

Ari hadats leutik mana-mana barang                                                       Anu ngabatalkeun kana wudhu urang

Aria nu ngawajibkeun kana mandi                                                            Hadats gede jumlah dua sareng tadi

PASAL MEURTELAKEUN AURAT

Ari aurat lalaki antara tuur                                                                            Sareng bujal keur solat nalika udur

Ari aurat awewe anu di beuli                                                                      Dina sholatna aurat cara lalaki

Aurat awewe meurdeka dina sholat                                                        Kabeh badan salian leungeun jeng beungeut

Ari luar sholat jeung lalaki sejen                                                                Kabeh badan najan kuku pangeuretan

Ari sareng mahram sareng pada istri                                                        Antara tuur jeung bujal hai ki santri

Ari sareng carogenaheunteu aya                                                              Anu aurat sumangga sadayadaya

PASLUN MERTELAKEUN RUKUN SHALAT

Rukun shalat tujuh belas hiji niyat                                                            Dina hate neja pardu eta shalat

Dua takbirotul ihrom nu katilu                                                                    Nangtung ka jalma nu kawasa dina pardu

Opat maca fatihah kalmia ruk’u                                                                                 Genep tumaninah dina ruk’u

Tujuh I’tidal dalapan tumaninah                                                                Dina eta I’tidal na masing rineh

Kasalapan sujud dua kasapuluh                                                                                 dina eta sujud dua tumaninah

Kasabelas diuk dina antarana                                                                      sujud dua rukun kadua belasan

Tumaninah dina diuk anu tadi                                                                     tilu belas tahiyat anu pandeuri

Opat beulas diuk tahiyat pandeuri                                                            lima beulas maca shalawat kanabi

Geuneup beulas aweh salam numimiti                                                  tujuh beulas tartib dina rukun tadi

PASAL MEURTELAKEUN NIYAT

Ari niyat eta neuja hate urang                                                                    Babareungan sareung prakna gawe bareung

Ari pangkat niyat eta aya tilu                                                                       Hiji niyat lamun dina shalat fardu

Maka wajib qosdhu ta’yin sareung pardu                                              Kaya nagucap usholli fardhol’maghribi

Lamun sholat dina anu ngabogaan                                                           Waktu sareung seubab

Lamun dina sunat mutlaq maka wajib                                                     Qosdu wungkul jabi ti

PASAL MEURTELAKEUN TAKBIROTUL’IHROM

Sarat takbirotul’ihrom eta aya                                                                    Geuneup beulas saratteukenging teu aya

Hiji prakna mudu sanggeus nangtung bener                                        Lamun shlat pardu sareng taya udur

Dua mudu basa arab lamun biasa                                                              Tilu mudu lafadz allah nu kawasa

Opat mudu lapadz akbar kalimana                                                            Mudu tartib eta lapadz dua nana

Genep ulah panjang hamzah lapadz allah                                              Bana lapadz akbar ulah panjang nu katujuh

Kadalapan ba na ulah di tasydidan                                                            Ulah tambah wawu eta ka salapan

Antara kalimah dua kasapuluh                                                                   Ulah nambah wawu memeh lapadz allah

Kasabelas ulah eureun antarana                                                               Kalimah allah sareng lapadz akbarna

Duabelas sadayana hurup takbir                                                               Singkadangu ku awak nu boga takbir

Tilu belas kudu sanggeus manjing waktu                                               Lamun shalat anu diwaktu-waktu

Opat belas prakna takbir dina tingkah                                                     Sanggeus urang nyinghareup ka baitullah

Lima belas ulah ngaruksak aksara                                                              Atawa patukeur deui jeng aksara

Kagenep belas ari takbirna ma’mum                                                       Eta mudu pandeurieun takbir imam

PASAL MERTELAKEUN SYARATNA FATIHAH

Syarat fatihah sapuluh sadayana                                                               Hiji tartib tuluy-tuluy kaduana

Katilu ngaraksa huruf fatihah                                                                      Opat ngaraksa tasydidna ulah salam

Kalimana ulah repeh anu lila                                                                        Genep ulah repeh anu heunteu lila

Anu neuja meugatkeun bacaanana                                                         Tujuh mudu maca sadaya ayatna

Kadalapan ulah ngarobah aksara                                                               Sareung baris anu matak robah ma’na

Kasalapan macana patihah mudu                                                              Sanggeus nangtung lamun dina sholat fardu

Sareung maca sakabeh hurup patihah                                                    Sing kadenge kuawakna kasapuluh

Sareumg ulah kaseulang kudikir liyan                                                      Anging amiin imam anu ngamimitian

PASAL MEURTELAKEUN TASYDIDNA PATIHAH

Opat beulas ete tasydidna patihah                                                           Hiji luhureun lamna lapadz bismillah

Dua tilu luhureun ra’ rohman rohim                                                         Opat luhureun lamna lillahil adzim

Lima luhureun ba na rabbil alamin                                                            Genep tujuh dina ra’ na rohman rohim

Luhureun dal yaumiddin ka dalapan                                                        Dina iyyakana’budu kasalapan

Dina iyyakanasta’in sapuluhna                                                                   Dina shirotol mustaqim sabelasna

Opat belas diluhureun lapadz dhollin                                                      Ari ngaji ulah ka gembang ku ulin

PASAL MEURTELAKEUN SYARAT SUJUD

Ari syarat sujud eta aya tujuh                                                                     Hiji sujud dina anggahota tujuh

Hiji terang sareng dampal suku dua                                                         Tuur dua sareng dampal leungeun dua

Kaduana terang ulah katutupan                                                                                Tilu sabeuratna sirah tong ditahan

Ka opatna pangturunna ulah aya                                                               Maqsud sejen salian ti sujud tiya

Lima ulah sujud kana hiji barang                                                                Anu teupung nu geudak milujeung urang

Genep birit kudu luhur batan sirah                                                           Katujuhna syarat sujud tumaninah

PASAL MERTELAKEUN TASYDIDNA FATIHAH

Ari tasydid na tahiyat nu sampurna                                                          Eta dua puluh hiji sadayana

Ari tasydidna attahiyat eta                                                                           Dina luhureun ya sareng luhureun ta

Sareng luhureun shod na asholatu                                                           Luhureun tho sareng ya attahiyatu

Lillahi tasdidna luhureun lam                                                                       Luhureun sin ari tasydidna assalamu

Alaika ayyuhannabiyyu tasydidna                                                             Luhureun ya enun sareng ya akhirna

Warohmatullahi eta luhureun lam                                                            Luhureun sin barokatussallam

Sareng luhureun lam na I’badillah                                                             Assholihina luhureun shod ya akhi

Allailaha di luheureun alip                                                                            Llallah dina lam sareng lam alip

Anna muhammadan rosullullahi                                                                Luhureun nun eumim ra lamillahi

PASAL MEURTELAKEUN WAKTU SHOLAT

Maka wajib dimana geus manjing waktu                                               Gawe sholat atawa niyat nu tangtu

Rek migawe sholat dina jero waktu                                                         Jadi dosa urang lamun teu kitu

Ari mimitina aya waktu dhuhur                                                                  Eta lingsir mata poe anu luhur

Ari akhirna lamun kalangkang urang                                                        Anggeus sarua sareng adegan urang

Ari seep waktu dhuhur maka dongkap                                                   Wakta asar hingga mata poe surup

Awal maghrib eta surup mata poe                                                            Hingga surup mega berem nu biyasa

Seep isa dongkap deui waktu subuh                                                       Hingga bijil mata poe anu teuguh

PASAL MERTELAKEUN WAKTU ANU HARAP DI PAKE SHOLAT

Haram sholat dina jero lima waktu                                                           Lamun heunteu aya sabab anu tangtu

Hiji waktu mata poe keur bijil                                                                     Sahinga sakadar satumbak luhureunna

Dua waktu tengah-tengah langit pisan                                                   Saliyan jumat mengwak ka kulon

Katiluna rek surup layung nu sae                                                               Hingga surup pisan eta mata poe

Opat bada sholat subuh kalimana                                                             Bada solat asar eta sampurnana

Ari sholat qodo mah taya pamengan                                                       Dina waktu mana najan pasosonten

PASAL MEURTELAKEUN RUKUN ANU KUDU TUMANINAH

Ari rukun anu kudu tumaninah                                                                  Eta opat hiji ruku ulah salah

Kaduana itidal katilu dina                                                                              Sujud opat dina diyuk antarana

PASAL ANU NGABATALKEUN KANA SHOLAT

Ari anu ngabatalkeun kana sholat                                                             Opat belas hiji hadast kade lepat

Dua katibanan najis mun teuteurus                                                         Dirakrakna tina badan sarta mulus

Tilu kabuki aurat mun teu ditutup                                                             Buru-buru opat ngucap dua hurup

Atawa hiji huruf aya hartian                                                                        Kaya ngucapkeun samaksud ngageunihan

Batal deui ku ngadehem anging lamun                                                   Aya udur ngunikeun nu jadi rukun

Kalimana ngahaja migawe barang                                                             Nu matak batal kana puasa urang 

Kagenepna dahar sueeur najan lali                                                          Tujuh tili kali usik nuli-nuli

Kadalapan luncat sareng sabangsana                                                      Kasalapan nenggeul tarik jeung misilna

Ka sapuluh nambah rukun anu bangsa                                                   Pagawean tur ngahaja teukapaksa

Kasabelas miheulaan ka imamna                                                               Dua rukun bangsa pagaweannana

Atawa manderikeun maneh ti imam                                                       Anging udur teu bias nuturkeun imam

Dua belas niat megatkeun shalatna                                                         Ka tilu belas gatung pegat shalatna

Opat belas mider-mider rek megatkeun                                                                Kana sholatna mana nu di teuteupkeun

PASAL MEURTELAKEUN SUNAT ‘AB’AD

Ari sunat ‘bad tujuh sadayana                                                                    Hiji tahiyat awal dua lungguhna

Maca sholawat ka nabi katiluna                                                                                 Dina jero tahiyat anu awalna

Sholawat ka kulawarga kaopatna                                                              Dina jero tahiyat nu panderina

Lima maca kunut dina saban dinten                                                         Genep kunut witir saparo romadhon

Tujuh maca sholawat ka kangjeng nabi                                                  Dina kunut ka shohabat nabi

PASAL MEURTELAKUN PASUNATAN SAMEMEH SHOLAT JEUNG DI JERO SOLAT

Ari pasunatan dina memeh sholat                                                            Aya dua hiji adan dua qomat

Sareng dua sunat dina jero solat                                                               Hiji tahiyat awal kadua qunut

PASAL MEURTELAKEUN BILANGAN ROKAAT SHOLAT NU LIMA WAKTU JEUNG LIYANA

Dina sapoe sapeuting rokaatna                                                                  Sholat pardu tujuh belas sajumlahna

Sareng tilu puluh sujud langkung opat                                                    Jeung salapan puluh takbir langkung opat

Jeung sapuluh salam tahiyat salapan                                                       Saratus limapuluh punjul opat

Ari dhuhur isa bangsa opat                                                                          Rukun hijin waktu lima puluh opat

Margi hiji rokaat na dua belas                                                                     Rukun anu bulak balik masing awas

Tambah genep niat takbirotul ihrom                                                       Lungguh akhir tahiyat sholawat salam

PASAL MEURTELAKEUN KAWASA-KAWASANA DINA SHOLAT

Saha anu teukawasa kana nangtung                                                        Maka sholat bari diyuk sami untung

Lamun teukawasa diyuk maka sholat                                                      Bari ngedeng nyangigir nyanghareup kiblat

Teukawasa nyangigir nangkarak sholat                                                   Sarta kedah ganjel sareng nunjang kiblat

Apeskeneh maka sholat ku isaroh                                                            Sareng niyat masing lempeng dina manah

Teukawasa ku isaroh tuluy jalankeun                                                      Rukun shalat dina hate di jentrekeun

Heunteu hampura jalma tinggal sholat                                                   Satungtung akal na bener masih ingeut

PASAL MEURTELAKEUN RUPA-RUPA NU DITINGGALKEUN DINA SHOLAT

Tilu rupa di tinggalkeun dina sholat                                                          Hiji pardu dua sunat jeung haeat

Lamun ninggal hiji pardu najan lali                                                            Eta henteu ka tambal ku sujud sahwi

Lamun deukeut keneh wajib balik deui                                                  Kana pardhu make tambah sujud sahwi

Ari sunat entong balik sanggeus urang                                                   Gawe pardhu tapi sujud nambal kurang

Ari sunat haeat teu kitu kiyeu                                                                     Entong sujud entong balik kanu bieu

Saha anu mangmang dina rakaat na                                                         Kudu nyokot bilanmgan pang saeutikna

Pami subuh asa dua asa hiji                                                                         Wajib nambah sarta sunat sujud sahwi

PASAL MEURTELAKEUN PAMAKRUHAN SHALAT

Seueur pisan pamakruhan dina sholat                                                    Sawarehna ngaliyeuk teu aya hajat

Kaya ngaliyeuk barangna bisi leungit                                                       Sarta makruh keur sholat neunggak ka leungit

Malihanan dawuhan mita wali                                                                    Ngaliyuk the haram sareng hulaemi

Sareng numutkeun kaolna syekh adzro’I                                                               Tanggah kaluhur ge haram cara tadi

Makruh deui ku panon mere isarat                                                          Atawa ku biwir lamun taya hajat

Sareng bedas dina tempat anu kendor                                                   Sareng sabalikna lamun taya udur

Sareng makruh nulak cangkeng taya udur                                             Margi eta kalakuan nu takabur

Sarta makruh sholat gancang purat perot                                              Rukun oge ampir aya nu kalewat

Sareng makruh peurem lamun inggis calaka                                         Heunteu makruh mun teu inggis aya bahla

Tapi lamun aya gambar dina tempat                                                        Pang solatan eta peureum jadi sunat

Dina ruku dina sujud makruh deui                                                            Rapet beuteung kana pingping di lalaki

Sareng ngarapetkeun peupeuteuyan nana                                          Dina gigir dina ruku jeung sujudna

Sareng makruh lungguh cara anjing diyuk                                             Sareng sujud cara gaok macok lauk

Sujud cara singa depa eta makruh                                                            Sareng dina ruku handap teuing sirah

Sareng makruh manjangkeun tahiyat awal                                           Salian ma’mum kajeun solawat ka al

Sareng makruh nyorokeun ramo leungeunna                                     Jeung nguyupuk laer teuing disampingna    

Sareng makruh nyiduh ka hareupeun nana                                          Jeung katuhu henteu makruh ka kencana

Lamun nyiduh di masjid sing ati-ati                                                           Bisi ngecret kana tempat anu suci

Sareng makruh nekenkeun sabelah suku                                              Dina nangtug kenca atawa katuhu

Sareng makruh sholat bari nahan hadast                                               Kiih ngising atawa napi nahan bobos

Sareng makruh lamun geus hadir kadaharan                                       Sareng lapar jeung makruh bubudugulan

Sareng makruh make beubeur dina cangkeng                                    Anging di poke mageuhan samping

BAB SIYAM

Wajib kanu islam saban-saban taun                                                         Tur mukalap puasa bulan romadhon

Jadi jumlah syarat wajib siyam opat                                                         Hiji islam akal baligh sareng kuat

Ari pardhu sareng rukun siyam opat                                                        Ari rukun ka hiji nyaeta niyat

Kaduana nangtung keun niat puasa                                                         Saban peuting poe isuk rek puasa

Rek neukeunan puasa pardhu romadhon                                             Atawa neukanan anu di nadharkeun

Katiluna nahan tina dahar leueut                                                              tina jima’ tina Utah kade lepat

Opat nyaho mimiti jeung panungtungan                                               Ulah niat jeung buka sa tabrabg-tabrang

Anu ngabatalkeun puasa sapuluh                                                             Masing apal ngarah jadi jalma teuguh

Hiji aen anu neupi kana beuteung                                                            Teu dihaja atawa di paksa orang

Jeung henteu batal kebul pangayakan tipung                                     Jeung katalanjuran cai kana irung

Lamun heunteu banget kekmuna                                                            Sareng ngingsrek cai kana jero irungna

Dua huknah harttina ngasupkeun ubar                                                  Tina salah sahijina kubul dubur

Atawa ngasupkeun tungtung ramo kana                                               Kubul dubur dina waktu istinja na

Dina kodo hajat sareng istinja na                                                               Masing bias pisan urang ngaraksana

Katiluna ngahaja Utah tur eling                                                                  Najan taya nu bijil ti jero beuteung

Opat wati ngahaja liwat hasapah                                                               Lima ngaluarkeun mani kade salah

Genep nipas tujuh haid dalapan edan                                                    Murtad naudzubillah minha salapan

Ka sapuluh ngajuru nu matak batal                                                          Kana puasa urang eta sing apal

Ari anu sunat dina bab puasa                                                                      Eta seueur maneh ulah asa-asa

Hiji anggeus yakin surup mata poe                                                           Gancang buka lamun mang-mang tunggu bae

Tapi kayaqinna mata poe surup                                                                                 Tuluy buka supaya puasa cukup

Lamun aya buka sunat make kurma                                                         Mun teu aya ku cai atah ge sama

Dua sunat ngahirkeun sahur tapina                                                          Ulah tapi ka mang-mang dina sahurna

Tilu sunat ulang ngomongkeun nu ala                                                     Kaya ngupat ngadu-ngadu lampah ceula

Sareng sunat nyulayaan ka haying na                                                      Syahwat urang sinareng hawa napsuna

Sareng sunat lamun boga hadast gede                                                   Kudu adus ti peuting na age-age

Sareng sunat maca quran masing rosa                                                    Jeng ngadu’a saba’da buka puasa

Sareng sunat I’tikapna masing seueur                                                    Mudah-mudahan hasil lailatul qodar

Sareng sunat ngarowakeun kasaean                                                       Sareng nyegah tina lampah ka kusutan

BAB HAJI

Di wajibkeun munggah haji ka baitullah                                                 Dina Saumur sakali kanu mampuh

Maka lamun geus mampuh pot umurna                                                                Maka jadi wajib di hajikeun nana

Ari rukun haji lima kade salah                                                                     Hiji ihrom kadua wukup di aropah

Katiluna rukun towap di baitullah                                                              Opat sai’ antara sopa jeung marwah

Kalmia ngagunting atawa di cukur                                                             Tina rambut sirahna sing loba syukur

Ieu lima salian wukup di aropah                                                                                 Tinggal opat jadi rukun tina umur

Iyeu rukun haji jeung umrohna                                                                                 Eta aya saratna jeung parduna

Maka wajib sadayana di hartoskeun                                                        Kusugeurning anu bade ngalampahkeun

Sareng haram kanu ihrom seuseungitan                                                                Sareng haram sirah janggot di minyakan  

Miceun kuku miceun bu’uk sareng jima’                                                               ‘Akad nikah sareng muqoddimah jima

Sareng moro boboroan tanah darat                                                         Nu didahar hanteu haram sato laut

Sareng haram lalaki tutup sirahna                                                             Sareng haram ka istri nutup raraina

Sareng sarung tangan sareng haram deui                                              Anu nyarung kaya gamis di lalaki

Maka saha nu migawe paharaman                                                           Maka dosa jeung wajib di kiparatan

Ari jima jaba haram ngaruksakeun                                                           Kana haji sareng wajib di kodoan

Sareng wajib dina taun sabadana                                                              Sareng wajib kiparat geode ngarana

Sareng wajib ihrom haji jeung umroh                                                     Tina miqot sareng nginep mujdalipah

Sareng nginep di mina sareng ngabalang                                               Jumrotul aqobah ponan rayagung

Sareng ngabalang jumroh tiluan nana                                                     Dina poe tasyrik jeung thowap wada na

Sareng haram boboroan tanah haram                                                    Sareng jujukutan nana kanu ihrom

Sareng kanu henteu ihrom ge haram                                                      Jukutna jeung boboroan tanah haram

Sareng tambah mun ganggu di tanag mekah                                       Kana boroan jeung jukut wajib pidyah

Lamun urang rek migawe hiji barang                                                       Wajibkeun ilmuna heula masing teurang

Sabab gusti allah ngawajib keun nana                                                     Eta pasti ngawengku syarat rukun na

Sareng wajib marentah sareng meuneurkeun                                    Kajalma nu ninggal syarat sareng rukun

Lamun teu jadi finah wajib maksana                                                        Lamun matak pitnah wajib ngaingkarna   

Sareng disyaratkeun sadaya amal                                                             Kedah ikhlas keurna allah aja wajala

Sareng kadaharan urang kedah halal                                                       Sareng pangnggona lamun teu kitu gagal

Sareng wajib sadaya ngaraksa                                                                    Anggahota urang tina lampah dosa

Margi agama the dua kalakuan                                                                  Hiji thoat dua nyingkahan jeugahan

Sakiyue ge ilmu faqih atos ceukap                                                            Pikeun jalma ibadahna rada handap

Sapertos jisim abdi anu dhoip                                                                     Anu pamendakna sakalangkung langit

Nu mawi iyeu nadhom fiqih di citak                                                         Taya sanes kuinsop para saderek

Sareung murid sadayana kolot budak                                                     Sanaos geus tilar dunya nugaduh haq

Malah mandar janteun tambah manfaatna                                          Kanu nukil sareung kanu ngaraosna

Kitu deui kasugri para ulama                                                                       Mugi keursa ngaleureuskeu nuleupatna

Diwuwuhan kupangdu’a ti muridin                                                          Sakur nungaos nunalika maos amiin

Mugai2 gusti alloh ngahampura                                                                                 Kaguru sim abdi nu mulih ngumbara

Samulihna tidunya ka rohmatillah                                                             Mugi di jemberkeun tempatna nu indah

Khususnamah kanu kagungan karangan                                                                Ajeungan juwaeni ibni abdirrohman

WALLAHU ‘ALAM BISSHOAB

KARANGAN MAMA K.H JUAENI IBNI ABDIRRAHMAN

                       

• Share on Twitter
• Share on Google+
• Share on Facebook